RUS
Атыраулық қоғам белсенділері әлеуметтік желіде психотропты дәрілерді сатуға байланысты алаңдаушылық білдіріп жатыр. Олар осыған байланысты жауапкершілікті күшейту жөнінде ұсыныс білдіріп отыр.
«Есірткі қылмысына қарсы іс-қимыл басқармасы мен патрульдік полиция батальонының қызметкерлері, учаскелік полиция инспекторлары 2021 жылдан бері заңсыз айналымнан 18 мыңнан астам психотропты дәрі-дәрмектерді тәркіледі. Мәселен, сол жылы 9 адам ұсталып, олардан 5 135 дана трамадол, трапикомед дәрі-дәрмектері алынды. Ал, былтыр ұсталған 17 адамнан 7 800 дана трамадол, трапикомид, лирика дәрілері тәркіледі. Биылғы жыл басынан бері осындай құқық бұзушылық үшін 9 ұсталып олардан 3596 дана тарамадол, тропикамед, сомнол, алис дәрі-дәрмектері тәркіленді. Аталған деректерге қатысты ҚР Әкімшілік құқық бұзушылық туралы кодексінің 426-бабына сәйкес (Фармацевтикалық қызметтің және дәрілік заттар мен медициналық бұйымдардың айналысы саласының қағидаларын бұзу) хаттамалар толтырылды», - деп хабарлады департаменттің баспасөз қызметі.
Психотропты дәрілердің заңсыз айналымымен айналысу дерегімен 6 мәрте ұсталған адам бар. Қазір күдікті 1974 жылғы әйелге қатысты ҚР Қылмыстық кодексінің 296-бабының 4-бөлігіне сәйкес сотқа дейінгі тергеу амалдары басталды.
«Бүгін, 23 наурызда әлеуметтік желіде психотропты дәрі сатып алуға байланысты видео жүктелді. Сараптама қорытындысымен видеодағы көліктің рульінде болған 1998 жылғы жүргізушінің есірткілік-уытқұмарлық мас күйде екені белгілі болды. Көлік жүргізушісіне ҚР Әкімшілік құқық бұзушылық туралы кодекстің 608-бабына сәйкес хаттама толтырылып, әкімшілік қамауға алынды. Аталған мекен-жай бойынша тексеру жұмыстары жүргізіліп жатыр.