RUS
SMARTNEWS.KZ басылымының хабарлауынша, белгілі блогер Елдос Қадырханов, яғни көпшілікке «Елдос Колобок» деген атымен танымал, отбасындағы көптен күткен қуанышты сәтпен бөлісті. Ол жұбайымен бірге алғашқы сәбилерін күтіп жүргенін жариялап, арнайы гендер пати ұйымдастырды.
Блогер осы қуанышты жаңалығын әлеуметтік желіде бөлісіп, ұл бала күтіп жүргенін жеткізді. Видеодан ерлі-зайыптының бұл сәтте көз жасына ерік бергенін көруге болады. Елдос бұл күнге жету оңай болмағанын, тоғыз жыл бойы сәби сүю жолында бірнеше ота жасатып, көптеген қиындықтан өткенін бұған дейін ашық айтып келген.
«Сүйінші, қазақ елі! Аллаға шүкір, жеттік осы күнге. Балапан, біз сені күтеміз», – деп жазды блогер желіде жариялаған видеосының астына.
Олардың бұл қуанышын көрген желі қолданушылары да шын жүректен құттықтап, жаппай ізгі тілектерін жаудырып жатыр. Көпшілік Елдос пен жарының төзімділігі мен табандылығына тәнті болып, бұл жаңалықты өздерінің де жанын тебіренткен ерекше сәт ретінде бағалауда.
«Еріксіз жас келді! Аман-есен дүниеге келіп, несібесін арттыра берсін», «Алланың қалауы, үлкендердің батасы, дәрігерлердің біліктілігі, көптің қолдауы», «Көптің тілегі қабыл болады деген осы ма ағайын?», «Ооо, керемет жаңалық! Қуаныштан жылап жібердім ғой! Күтіп, тілеп жүр едім!», – деген сынды пікірлер желіде көбейіп жатыр.