Астанадағы әуе базасында әскери қызметкер жарақат алды: қылмыстық іс қозғалды
Астанадағы әуе базасында әскери қызметкер жарақат алды.
SMARTNEWS.KZ басылымының хабарлауынша, Қазақстан Қарулы Күштері Әуе қорғанысы күштерінің баспасөз қызметі мәліметінше, елордадағы әскери авиациялық база аумағында қарумен жұмыс істеу кезінде қауіпсіздік шараларының бұзылуы салдарынан бір әскери қызметкер жарақат алған. Бұл туралы Tengrinews.kz тілшісі жазды.
"Зардап шеккен әскери қызметші дереу елордалық медициналық мекемеге жеткізіліп, оған қажетті барлық медициналық көмек көрсетіліп жатыр. Жағдайы ауыр, бірақ тұрақты", – деп хабарлады ведомство.
Оқиғаның мән-жайын жан-жақты және объективті анықтау үшін қылмыстық іс қозғалды.