RUS
SMARTNEWS.KZ басылымының хабарлауынша, Алматыдағы «Барахолка» маңындағы жабайы сауда мәселесі қайта ушығып тұр. Бұл туралы Жетісу ауданының әкімі Ләззат Жылқыбаева өңірлік коммуникациялар қызметінде өткен брифингте мәлімдеді.
Әкімнің айтуынша, сәуір-мамыр айларында рейдтер күшейтілсе де, күн жылынған соң саудагерлер қайта көшеге шыға бастаған.
«Полициямен бірге рейдтер жалғасады. Қосымша шаралар қабылданады», – деді Жылқыбаева.
Қазір аудан әкімдігі қызметкерлеріне де әкімшілік хаттама толтыру құқығын беру мәселесі қаралып жатыр. Егер бұл шешім қабылданса, әкімдік қызметкерлері полицияның қатысуынсыз әрекет етіп, жабайы сауда нүктелерін ресми тіркеп, шара қолдана алады.
«Бұл – әлі талқылау сатысында. Бірақ нақты қадамдар жасалып жатыр», – деді әкім.