RUS
SMARTNEWS.KZ басылымының хабарлауынша, Өзбекстанның Андижан қаласында әлеуметтік желілерде үлкен резонанс тудырған оқиға бойынша қылмыстық іс қозғалды. Жергілікті бутиктің иесі өз қызметкерін жалақы қарызы үшін қорлап, зорлық көрсеткені анықталып, прокуратураның бақылауымен тергеу жүріп жатыр. Бұл туралы жергілікті құқық қорғау органдары ресми мәлімдеді.
Тергеу деректеріне сүйенсек, 2024 жылдың желтоқсанында бутиктің қожайыны өз қарамағындағы қызметкерін жертөлеге күштеп түсіріп, оны шешіндіріп, ұрып-соғып, шашын қиып тастаған. Алайда бұл оқиға қоғам назарына тек жуырда ғана тараған видео арқылы белгілі болды.
Андижан облыстық ІІБ жанындағы тергеу басқармасы аталған дерек бойынша Қылмыстық кодекстің 138-бабы 2-бөлігі (зорлықпен бостандықтан заңсыз айыру) бойынша іс қозғаған. Күдікті әйел ұсталып, қазіргі таңда прокуратураның бақылауымен тергеу амалдары жүргізілуде.
Қоғамда қызу талқыланып жатқан тағы бір жайт – бұл әйелдің әлеуметтік желіде басқа қолданушыларға да жиі қоқан-лоққы көрсетіп, өзінше «жаза» қолданатынын айтып, қорқытуы.