Атырауда терезесін қараңғылағандар жазаланып жатыр
400-ге жуық жүргізуші жазаланған
SMARTNEWS.KZ басылымының хабарлауынша, Атырауда автокөліктердің заңсыз күңгірттелген әйнектеріне қарсы рейдтер қайта жанданды. Патрульдік полиция жүргізушілерді жол қауіпсіздігі талаптарын бұзбауға шақырады. Бұл туралы azh.kz жазды.
«Жол-көлік оқиғаларының көбі нашар көріну жағдайында болады. Ал жүргізуші көлігінің әйнектерін өзі тұмшалап алса, қауіп бірнеше есеге артады. Әсіресе алдыңғы және бүйірлік терезелерді күңгірттеу өте қауіпті», – дейді патрульдік полиция қызметкерлері.
Олардың айтуынша, мұндай әрекеттер көлікті заңсыз қайта жабдықтауға жатады.
Биылдың өзінде Атырау қаласында шамамен 400-ге жуық құқық бұзушылық тіркелген. Барлық жүргізушіге әкімшілік жауапкершілік жүктелді, кейбірі мұндай ережені бірнеше рет бұзған.
Полиция заңсыз «модернизацияға» жол бермеу – қоғамдық қауіпсіздікті қамтамасыз етудің бір бөлігі екенін ескертеді.
Материал авторы
