RUS
SMARTNEWS.KZ басылымының хабарлауынша, АҚШ президенті Дональд Трамп өзінің халықаралық қақтығыстарды тоқтатудағы рөлін ерекше атап өтті. Оның айтуынша, егер өзі болмағанда, қазіргі таңда әлемде кемі алты ірі соғыс жүріп жатқан болар еді.
Бұл туралы Трамп Шотландияда журналистерге берген сұхбатында мәлімдеді. Оның сөзінше, АҚШ тарапынан сауда келісімін жасау үшін елдерге бітімге келу талабын қойған. Бұл талапты Камбоджа мен Таиланд, сондай-ақ Руанда мен Конго Демократиялық Республикасы орындаған.
«Егер мен болмасам, алты ірі соғыс басталып кетер еді. Біз Камбоджа мен Таиланд арасындағы соғысты бір күнде тоқтаттық», — деді Трамп. Ол бұл екі ел арасындағы келісімге АҚШ-тың делдал болғанын жеткізді.
24 шілде күні Камбоджа мен Таиланд шекарасында Тамоантхом, Тамоантауч және Такрабей храмдары маңындағы даулы аумақ үшін қақтығыс басталған болатын. Үш күннен кейін Камбоджа премьер-министрі Хун Манет атысты тоқтату туралы шешім қабылдағанын хабарлап, АҚШ президентінің делдалдық рөлін атап өтті.
Куала-Лумпурде өткен келіссөздер нәтижесінде тараптар тәуліктің ішінде атысты тоқтатуға келіскен.