RUS
SMARTNEWS.KZ басылымының хабарлауынша, Өзбекстандағы Алмалық қаласында ер адам мас күйінде әйелімен жанжалдан кейін оны ұйықтап жатқанда өлтірген. Бұл ақпаратты Өзбекстан Бас прокуратурасы растады.
Тергеу мәліметінше, қайғылы оқиға 27 шілдеге қараған түні «Олтин» махалласында болған. 33 жастағы ер адам Ресейден жуырда ғана оралған. Ол 39 жастағы әйелімен бірге спирттік ішімдік ішіп отырып, жанжал шығарған. Ер адам әйелін араққа әуестік танытып, бала тәрбиесіне салғырт қарайды деп айыптаған.
Кейін, әйелі ұйықтап қалған кезде, ол ас үй пышағын алып, бірнеше мәрте соққы жасаған. Әйел сол жерде тіл тартпай кеткен.
Аталған факті бойынша Өзбекстан Қылмыстық кодексінің 97-бабы, 2-бөлігінің «в» және «ж» тармақтары (қасақана адам өлтіру — аса қатыгездікпен және жәбірленушінің дәрменсіз жағдайын пайдаланып жасалған) бойынша қылмыстық іс қозғалды. Күдікті қамауға алынды. Қазір тергеу амалдары жүргізіліп жатыр.