RUS
SMARTNEWS.KZ басылымының хабарлауынша, Астанада бірнеше жасөспірімнің жүріп келе жатқан автобусқа асылып алған сәті желіде тарап кетті.
Оқиға №58 бағыттағы автобуста болған. Видеода жасөспірімдердің автобустың артқы жағынан ұстап, бірнеше аялдама бойы асылып келе жатқаны көрінеді. Олар бұл әрекетімен өз өмірлерін де, өзгелерді де қатерге тіккен.
Қалалық полиция департаменті бұл жайт бойынша түсініктеме беріп, Сарыарқа аудандық полиция басқармасы жасөспірімдердің тұлғасын анықтап жатқанын мәлімдеді. Заң аясында шара қабылданбақ.
«Қазіргі уақытта құқықбұзушыларды анықтау бойынша шаралар жүргізіліп жатыр. Олар Қазақстан Республикасының заңнамасына сәйкес жауапқа тартылады», – деді ведомстводан.