RUS
SMARTNEWS.KZ басылымының хабарлауынша, Денсаулық сақтау министрлігі кәмелетке толмағандарға қатысты сексуалдық зорлық жасаған қылмыскерлерге химиялық кастрацияны мерзімі аяқталмай тұрып жүргізуді ұсынды.
«Ашық НҚА» порталында жарияланған жаңа түзетулер жобасына сәйкес, кастрацияны жазасын өтеуші бостандыққа шығардан алты ай бұрын бастау ұсынылады. Қазіргі заңнамада бұл шара сот шешімімен тек босатылған соң ғана жүзеге асырылуы мүмкін.
Жаңа ережелер бойынша, сот-психиатриялық сараптама жүргізіп, адамның қоғам үшін қауіптілігін және қылмысты қайта жасауға бейімділігін анықтау мақсатында қажетті медициналық қорытынды мен сотталушының мінездемесі жазаның аяқталуына бір жыл қалғанда сотқа жіберілуі тиіс.
Бұл шара кәмелетке толмағандардың жыныстық қол сұғылмаушылығына қарсы қылмыс жасаған ересек адамдарға қолданылатын мәжбүрлі медициналық әдіс ретінде қарастырылуда.
Айта кетейік, бұған дейін ішкі істер министрлігі педофилдерді өмір бойы қадағалауға алу туралы бастама көтерген болатын. Бұл – құқық қорғау органдарына оларды түрмеден шыққаннан кейін де бақылауға мүмкіндік береді. Министрлік мұндай шаралар педофилдер тарапынан жасалатын қайталама қылмыстардың алдын алуға бағытталғанын атап өтті.