RUS
SMARTNEWS.KZ басылымының хабарлауынша, Атырау облысында құтқарушылар түн ішінде далада адасып кеткен қойшыны аман-есен тапты. Бұл туралы АқЖайық басылымы жазды.
112 қызметіне түскен ақпаратқа сәйкес, 1963 жылы туған ер адам Мақат ауылы маңындағы шаруашылықтардың бірінде қой бағып жүріп, жоғалып кеткен. Ол ұзақ уақыт байланысқа шықпаған соң, туыстары дабыл қаққан.
Құтқарушылар қиын метеожағдай мен қараңғыға қарамастан, дереу іздестіру жұмыстарына кірісті. Олар елді мекеннен шамамен 6 шақырым жерден адасып кеткен ер адамды тауып алды. Белгілі болғандай, ол бағытынан жаңылып, далада қалып қойған.
Абырой болғанда, оған медициналық көмек қажет болмады. Құтқарушылардың жедел әрекетінің арқасында жағдай сәтті аяқталды.