RUS
SMARTNEWS.KZ басылымының хабарлауынша, Атырау облысының қылмыстық істер жөніндегі мамандандырылған сотында жас қызды айуандықпен өлтіру ісі қарала бастады. Тергеу дерегінше, Яна Легкодимова тұншықтырылып, Жайық өзеніне лақтырылып кеткен.
Сот алдында Құрманғазы ауданында тұратын 24 жастағы Ризуан Хайржанов пен 25 жастағы Алтынбек Қатимов жауап беріп жатыр. Екеуіне алдын ала сөз байласып кісі өлтіру және ұрлық баптары бойынша айып тағылған. Ал Қатимовқа қосымша — тапсырыспен кісі өлтіру айыбы қойылған.
Тергеу нұсқасы бойынша, Хайржанов марқұммен кездесіп жүрген. Бірақ оның тағы бір қызы болған. Жәбірленуші бұл жайлы әшкерелеуге ниеттенгенде, Хайржанов Қатимовқа 500 мың теңге ұсынып, қыздан құтылмақ болған. 2024 жылдың 19 қазанына қараған түні қыз көлік ішінде тұншықтырылып, денесі өзенге тасталған. Сүйегі тек 2025 жылдың маусымында табылып, кейін кім екені анықталды.
Сот процесін судья Зарема Хамидуллина жүргізіп жатыр. Айыптау тарабы әлеуметтік желідегі жазбалар, айғақтар мен сараптама қорытындыларына сүйеніп отыр.