RUS
SMARTNEWS.KZ басылымының хабарлауынша, Бас прокуратура Ресейден Қазақстанға кәмелетке толмаған мүгедек жасөспірімді зорлады деген күдікке ілінген ер адамды экстрадициялады. Қылмыс 2024 жылдың қарашасында Қостанай облысында жасалған.
Тергеу дерегінше, күдікті жәбірленушінің ата-анасымен достық қарым-қатынасты пайдаланып, олардың үйіне барған. Үйде жасөспіріммен жалғыз қалған сәтте ол жыныстық сипаттағы зорлық әрекеттерін жасаған. Прокурорлардың айтуынша, ер адам жәбірленушінің жасын және оның психикалық сырқатын жақсы білген.
Қылмыстан кейін күдікті елден қашып, халықаралық іздеу жарияланды. 2024 жылы ол Ресейдің Челябинск облысында ұсталып, Қазақстан Бас прокуратурасының сұрауымен экстрадицияланды.
Қазіргі таңда күдікті тергеу изоляторында қамауда отыр. ҚР Қылмыстық кодексіне сәйкес, бұл қылмыс үшін 15 жылдан 17 жылға дейін бас бостандығынан айыру жазасы және өмір бойы балалармен жұмыс істеуге тыйым салынады.