RUS
SMARTNEWS.KZ басылымының хабарлауынша, Оқу-ағарту министрі Ғани Бейсембаев Үкімет отырысынан кейін Жамбыл облысында мәжбүрлі жұмысқа жегілгені жайлы хабарлаған балалар оқиғасына пікір білдірді.
Министрдің айтуынша, мұндай жағдайларда министрліктің бекітілген алгоритміне сәйкес Балалардың құқығын қорғау комитеті дереу шара қабылдайды.
«Бұл мәселе комитеттің толық бақылауында. Кеше мен әкімнің орынбасарымен және тиісті әкімдіктермен сөйлестім. Қазір балаларға қауіп төніп тұрған жоқ. Нақты тексеру жүргізіліп жатыр. Құлдыққа қатысты “бұл дәлелденбеді” деген ақпарат та түсіп жатыр. Толық тексерістен кейін кімнің кінәлі екені анықталады, тиісті шара қолданылады», – деді ол.
Еске салайық, Жамбыл облысы Талас ауданында бірнеше кәмелетке толмаған жасөспірім видеоүндеу жариялап, өздерін мәжбүрлі жұмысқа жеккенін, қорлық көріп, соққыға жығылғандарын мәлімдеген еді.