RUS
SMARTNEWS.KZ басылымының хабарлауынша, танымал әнші Мөлдір Әуелбекова Түркиядағы демалысы кезінде ерекше жағдайға тап болды — оған түрік азаматы тұрмысқа шығуға ұсыныс жасаған. Бұл жайлы ол Instagram парақшасында бөлісті.
Әншінің айтуынша, Түркияға барған сәтте оны Стамбұл әуежайынан Бурак есімді азамат өзі қарсы алған.
«Бурак бізге күтпеген ұсыныс жасады. Түріктерден құдалар керек пе? Не дейсіздер, қазақ елі?! Стамбұлда Бурактың өзі күтіп алды. Есесіне, әдемі қыздан бір ән шашу шаштым. Тамсанды», — деп жазды ол.
Бұл жағдай әлеуметтік желіде қызу талқыланып жатыр. Әншінің жанкүйерлері әзіл-шыны аралас пікір қалдырып, кейбірі тіпті «Түркияға көшу» туралы кеңестерін беруде.
Айта кетейік, Мөлдір Әуелбекова бұған дейін жеке өмірі жайлы ашық сұхбаттар берген. Ол екі некесінің де аяқталуын тағдыр сынағы деп қабылдайтынын, бірақ өмірге өкпелі емес екенін айтқан.
«Екі некемді де сәтсіз деп айтпаймын. Тағдырыма ризамын. Екі балам бар, тәтті қызым бар. Қызымның әкесімен пандемия кезінде таныстық. Ол кезде намаз оқып, жүрегінде иманы бар жігітті жолықтырсам деп ойладым. Қызыма 8 айлық жүктілігімде кетіп қалдым. Ол жерде ұлым екеуіміз жалғыз қалдық. Мен күйеуімді дұрыс танымай шығыппын. Ол туралы ақпарат іздегенде маған жалған мәлімет келді. Кейін төртінші әйелі екенімді білдім. Содан күйзеліске түстім. Күйеуім өзінің отбасы мен бала-шағасына кетіп қалады. Мен баламмен жалғыз қалдым. Әке-шешемді жерге қараттым деп ойладым. Тіпті суицидке баруға да қадам жасадым. 16-қабаттан секіргім келді», — деген еді өнер иесі.
Әнші қазір өмірінде жаңа кезең басталғанын, шығармашылығына көңіл бөліп, жеке бақытын іздеп жүргенін айтады.