RUS
SMARTNEWS.KZ басылымының хабарлауынша, қазақстандық шоу-бизнестің ең танымал жұлдыздарының бірі Қайрат Нұртас болашақ сәбиінің жынысын анықтайтын кешке (гендер пати) не себепті қатыса алмағанын түсіндірді.
Белгілі болғандай, әнші қазір бесінші рет әке атанбақ. Жары Жұлдыз Әбдікәрімова балаларымен бірге гендер патиді ұйымдастырып, қуанышты сәтті бөліскен.
«Жұмыста жүріп, түнделетіп қайттым. Мен жоқта гендер пати шырақтары жанып, қызық болыпты. Байқадым…» – деді Қайрат.
Ал Жұлдыз Әбдікәрімова бұл жаңалықтың өзіне де күтпеген тосынсый болғанын жасырмады. Актрисаның айтуынша, бұл – оның жетінші жүктілігі.
«2025 жылға өз жоспарым болған. Бірақ Алланың маған дайындағаны одан да ғажап әрі қайырлы екен. Жүктіліктің алғашқы айларында тіпті білмедім. Сол кезде өмірімде біраз қиындықтар болды, халық та соған куә. Үстіне көпшілікке белгісіз жеке мәселелер қосылды. Дәл сондай кезеңде ішімде кішкентай періште пайда болыпты. Ол менің барлық уайымымды сейілтті. Бұл – Жаратушының ең үлкен сыйы. Бергенінен берері көп екенін енді түсіндім», – деп жазды Жұлдыз.