RUS
SMARTNEWS.KZ басылымының хабарлауынша, Қазақстан Үкіметі әуе қатынасы туралы келісім жобасын мақұлдады.
Құжатқа сәйкес, екі елдің әуе компаниялары келісілген бағыттар бойынша халықаралық рейстер орындай алады. Келісім үш негізгі тармақты қамтиды:
ел аумағы арқылы қонбай ұшу;
техникалық аялдама жасау;
жолаушыларды, багажды және жүкті отырғызу және түсіру.
Жоспарға сәйкес, қазақстандық авиакомпаниялар Эр-Риядқа, Жиддаға, Мединаға және Даммамға рейстер орындай алады. Сауд Арабиясының тасымалдаушыларына Астана, Алматы, Қарағанды және Шымкент бағыттары ашылады. Сондай-ақ тараптар бірлескен рейстер (code-share) орындауға мүмкіндік алды.
Келісім әуе компаниялары үшін тең бәсекелестік жағдайын қамтамасыз етеді, әділетсіз тарифтерден қорғайды және екі ел аумағында коммерциялық қызмет жүргізуге мүмкіндік береді. Құжат барлық ішкі рәсімдер аяқталған соң 30 күннен кейін күшіне енеді.
Еске сала кетсек, бұған дейін Pegasus Airlines әуекомпаниясы Ақтөбеден Ыстамбұлға тікелей рейстерді іске қосатынын хабарлаған болатын. Жаңа бағыт 22 қыркүйектен бастап тұрақты түрде орындалады.