RUS
SMARTNEWS.KZ басылымының хабарлауынша, Солтүстік Қазақстан облысында үш бұрынғы әкімдік қызметкері бюджет қаржысын аса ірі көлемде ұрлағаны үшін сотталды.
Іс материалдарына сүйенсек, олар алдын ала сөз байласып, қызметтік өкілеттігін пайдалана отырып, 46 миллион теңгеден астам қаражатты иемденген.
Прокуратураның мәліметінше, айыпталушылар кінәсін мойындамағанымен, жеткілікті дәлелдер олардың қылмысын толық растаған.
Петропавл қалалық соты үш фигурантты 6 жыл 6 айдан 6 жыл 8 айға дейін бас бостандығынан айыру жазасына кесті. Сондай-ақ мемлекетке келтірілген шығын өндіріледі. Үкім заңды күшіне енді.