RUS
SMARTNEWS.KZ басылымының хабарлауынша, қазақстандық блогер TikTok әлеуметтік желісінде оқырман жинау үшін өзіне қауіпті әрекетке барып, өзін тірідей көміп, тікелей эфирге шықты. Бұл туралы Stan.kz хабарлайды.
Желіде тараған видеодан көмілген жерде тұрған бірнеше адамның жанында телефон ұстап, жағдайды баяндап жатқан жігітті көруге болады. Ол эфир барысында:
«Ауа жетпей жатыр. Осы уақытқа дейін 30 аккаунтыма шектеу қойылды. Мынау соңғы аккаунтым. Осы аккаунтты дамытып жіберейік, достар», – деп айтқан.
Аталған жағдай қоғамда үлкен резонанс туғызды. Көпшілік блогердің әрекетін сынға алды.
«Оқырман санын көбейту үшін осындай жаман істерге барады. Ертең жастар еліктеп жасаса, олардың өлімі осы блогердің мойнында қалады», «Каблуковтағы жындыханаға жіберу керек. Сол жерде тіркеп, телефон қолдануға тыйым салсын», «Интернеттің қауіпті жағы осы», – деп жазды желі қолданушылары.
Stan.kz тілшісінің сауалына Алматы қалалық полиция департаменті:
«Бұл факті бойынша тексеру жүргізіліп, Қазақстан заңнамасына сәйкес шара қабылданады», – деп жауап берді.