RUS
SMARTNEWS.KZ басылымының хабарлауынша, Жамбыл облысында туған қызына зорлық-зомбылық жасаған ер адамға қатысты сот үкімі шықты. Бұл туралы ҚазАқпарат жазды.
Сот дерегінше, биыл сәуір айында Қордай ауылында мас күйдегі ер адам 2019 жылы туған қызына сексуалдық сипаттағы әрекеттер жасаған.
Оған ҚР Қылмыстық кодексінің 121-бабы 4-бөлігі бойынша айып тағылып, өмір бойына бас бостандығынан айыру жазасы қарастырылды. Мемлекеттік айыптаушы да ең қатаң жаза тағайындауды сұраған.
Айыпталушы кінәсін мойындағанымен, отбасы кешірім бермеді. Жәбірленуші тарап әділ жазалау талабын қойған.
Сот жеңілдететін жағдайларға қарамастан, оны өмір бойына бас бостандығынан айыруға үкім етті. Сонымен қатар сотталушыдан 5 млн теңге көлемінде моральдық шығын өндірілетін болды.
Айта кетейік, бұған дейін республикалық психикалық денсаулық ғылыми-практикалық орталығы педофилдерге өмір бойына бас бостандығынан айыру жазасын енгізу қажет екенін көтерген еді.