RUS
SMARTNEWS.KZ басылымының хабарлауынша, Қаржылық мониторинг агенттігі төрағасының орынбасары Жеңіс Елемесов экс-Мәжіліс спикері Нұрлан Нығматулиннің ұлы Нұржан Нұрлановтың аты аталған қылмыстық іске қатысты түсініктеме берді.
Оның айтуынша, істі Алматы қаласы бойынша экономикалық тергеулер департаменті жүргізіп жатыр.
«Қазіргі таңда іс халықаралық тергеу тапсырмалары жолдануына байланысты уақытша тоқтатылды. Нұрланов әзірге куәгер мәртебесінде тұр, себебі біз халықаралық сұрауларға жауап алған жоқпыз. Қажетті ақпарат түскеннен кейін оның іс бойынша нақты мәртебесі айқындалады», – деді Елемесов Сенат кулуарында.
Алғашқыда тергеу ҚР ІІМ-де «Өзінше билік ету» бабы бойынша басталған еді. Кейін іс Қаржылық мониторинг агенттігінің қарауына берілген.