RUS
SMARTNEWS.KZ басылымының хабарлауынша, әлеуметтік желілерде Қайрат Нұртастың белгісіз қызбен түскен суреттері пайда болып, ел арасында «әнші қайта үйленді ме?» деген әңгіме тарады.
Желі қолданушылары жарияланған видеоға қатты назар аударды. Кадрларда қалыңдықтың образындағы бойжеткен мен Қайраттың бірге түскен суреттері көрсетілген. Бейнежазбаның астына автор мынадай жазба қалдырған:
«Бұл өмір жолына бақытты болу үшін келдіңіздер – әр адам бақытқа лайық. Биыл ақ көйлек киюді (тұрмысқа шығуды) жазған жанға бақыт тілейік».
Жарияланым көп ұзамай қызу талқылауға түсті. Желі қолданушылары:
«Қайрат, егер сені күштеп түсірген болса, белгі бер», «Жұлдыз жақында босанған ана, мұндай жағдайдан күйзеліске түсіп кетуі мүмкін. Сәбидің де, ананың да денсаулығына әсер етеді», «Қайрат, кімді таңдасаң да, бастысы — өз бақытың», - деген пікірлер қалдырды.
Жұрттың түрлі әңгімесіне нүкте қойған Қайраттың анасы, продюсер Гүлзира Айдарбекова былай деді:
«Қоя салыңдаршы, той көйлекпен жарнамаға шақыртылған. Отбасы бар, балалы-шағалы, күйеуі бар келіншек. Прямо бір үйленіп кеткендей, не болсын соны жаза берудің керегі не, үстіне музыка қойып, түрлі етіп монтаждап, админ хайп жинап қайтесің», - деп ашуланды ол.