RUS
SMARTNEWS.KZ басылымының хабарлауынша, Президент Қасым-Жомарт Тоқаев қазақстандық әйелдердің қоғамдық орындардағы тәртібіне қатысты пікір білдірді.
Мемлекет басшысының айтуынша, бүгінде дөрекілік, ұрыс-керіс пен төбелес жиі кездесетін құбылысқа айналған.
«Ашығын айтуымыз керек, қазіргі таңда адамдарда дөрекі сөйлеп, бір-біріне ерегісіп, жаға жыртысатын әдет бар. Осындай келеңсіз оқиғаларды, әсіресе, қоғамдық орындарда, жол бойында жиі көруге болады.
Өкінішке қарай, солардың ішінде айқай-шу шығаратын, балағат сөздер айтып, қоғамдық тәртіпті бұзатын әйелдер де бар. Бұл – мәдениетті, өркениетті қоғамға жараспайтын қылық, еліміздің халықаралық қоғамдастықтағы беделіне зиян келтіретін құбылыс», — деді ол.
Тоқаевтың пікірінше, прогрессивті ұлт болу үшін қоғам теріс мінез-құлық үлгілерінен арылуы керек.
Президент ұлы Абайдың «Біріңді қазақ, бірің дос, көрмесең істің бәрі бос» деген сөзін еске алып, мәдениет пен тәртіп әр азамат пен әр отбасынан басталатынын атап өтті.