RUS
SMARTNEWS.KZ басылымының хабарлауынша, қазақ эстрадасының жұлдызы Қайрат Нұртас пен актриса Жұлдыз Әбдукаримованың қызы Алау әлеуметтік желіде жаңа көлігінің суреттерін жариялады.
Фотоларда ол кілтін ұстап, қымбат жол талғамайтын көліктің қасында позаға түскен. Жазбадан кейін желі қолданушыларының арасында түрлі пікірлер айтылды. Бірі оны құттықтап, «Үлкен еңбектің жемісі», «Жарайсың!» десе, енді бірі жас қыздың қымбат көлікпен мақтанғанына сын айтты:
«Оған неше жас бересіздер?», «Қыздың жетістігі қуантады», «Бір отбасына болсын көмектесіп көрсеңдерші, бәрін жариялап көрсетудің қажеті бар ма?», «Құтты болсын!»
Кейбір оқырмандар тіпті отбасының қаржылық жағдайын сөз етті. Олардың пікірінше, Жұлдыз Әбдукаримова үйінің жөндеу жұмыстарына қаражат таба алмай, жеке заттарын сатуға мәжбүр болған.
«Жұлдызға көмектесетін кез келді ғой. Ол киімдерін сатуға дейін жетті, ал қыздары қымбат көлікпен мақтанып отыр», – деп жазды бір қолданушы.
Бұған дейін де желіде Қайрат Нұртастың отбасына қатысты әңгімелер қызу талқыланған еді. Әсіресе, әншінің үй жөндеу ісіне араласпағаны көпшіліктің назарын аударған болатын.