RUS
SMARTNEWS.KZ басылымының хабарлауынша, Түркияда кәмелетке толмағандарды қорғауға бағытталған заңнамалық өзгерістер топтамасы дайындалды. Жаңа құжатта 16 жасқа толмаған балалардың әлеуметтік желілерді пайдалануына тыйым салынады.
Ұсынылған топтама 17 баптан тұрады және екі негізгі бағытты қамтиды:
«Балалар қылмысымен күресу процедуралары» және «Балаларды цифрлық тәуекелдерден қорғау ережелері».
Жаңа ережелерге сәйкес, әлеуметтік желі операторлары 15 жасқа дейінгі балаларға қызмет көрсетпейді. Осылайша, халықаралық деңгейде кеңінен қолданылатын платформаларды 16 жасқа толмағандар пайдалана алмайды.
Құжаттың екінші бөлігі жасөспірімдер арасындағы қылмыстық жауапкершілікке қатысты. Қолданыстағы заңнамада 15–18 жас аралығындағы жасөспірімдерге жеңілдетілген жаза қарастырылған болса, енді ауыр қылмыстар жасағандарға қатаң шара қолданылады. Мәселен, бұған дейін ауырлатылған өмір бойына бас бостандығынан айырудың орнына 24 жыл тағайындалса, жаңа ереже бойынша бұл мерзім 27 жылға дейін ұзартылуы мүмкін. Ал өмір бойына бас бостандығынан айырудың орнына берілетін 15 жылдық мерзім 18 жылға дейін арттырылады.
Сонымен қатар, егер жасөспірімнің қылмысы әдейі жасалғаны дәлелденсе немесе ауыр зардаптарға соқтырса, соттың жазаны жеңілдетпеуге құқығы бар.
Айта кетейік, жуырда Түркия Парламентінің спикері жаңа Конституция қабылдау қажеттігін мәлімдеген еді.