RUS
SMARTNEWS.KZ басылымының хабарлауынша, Алматыда танымал блогер Нұрбек Нұртазу, яғни Justking31 атымен белгілі желі жұлдызына айыппұл тағайындалды. Ол Instagram парақшасында заңсыз лотерея ұйымдастырғаны үшін кінәлі деп танылды.
Экономикалық тергеу департаментінің мәліметінше, блогер күн сайын екі қабатты үй, ақша және смартфон ұтыстарын жариялап отырған. Қатысушыларға «Oilan Lab» ЖШС-нің «оқыту курстарын» 29 990 теңгеге сатып алу міндеттелген. Жеңімпаздар «Поле чудес» жабдығы арқылы таңдалған, ал бұл заң бойынша «кездейсоқтық элементі» саналады.
Материалдар Министрліктің лотерея қызметін реттеу комитетіне жолданған. Онда Нұртазудың әрекеті Әкімшілік құқықбұзушылық туралы кодекстің 445-1-бабына («Лотереялар туралы заңнаманы бұзу») сәйкес келетіні анықталды.
Сот блогерге 300 АЕК көлемінде айыппұл салды – бұл 1 179 600 теңгеге тең.
«Аккаунт иесі кінәсін толық мойындап, айыппұлды өтеді», – делінген ресми хабарламада.