RUS
SMARTNEWS.KZ басылымының хабарлауынша, Ақтау қалалық соты «Әлем құрылыс ltd» компаниясының бас бухгалтерін аса ірі көлемде қаражат жымқырды деген айыптан толық ақтап шықты. Әйел адам 143 миллион теңгені иемденіп, жаратты деп күдікке ілінген еді.
Тергеу нұсқасына сай, ол 2022 жылдың қазанынан 2025 жылдың қаңтарына дейінгі аралықта бірнеше рет қаржы жымқырған: 10 млн теңге, 61,2 млн теңге және 72 млн теңгеден астам. Айыптау тарабы оған жеті жыл бас бостандығынан айыру жазасын сұрап, толық шығынды өндіріп алуды талап еткен.
Соттың түсіндіруінше, қылмыстық іс заң талаптарын бұза отырып қозғалған. Атап айтқанда, досудебелік тергеу органдары арыздарды ЕРДР-ге тіркеу тәртібін сақтамаған. Сонымен қатар материалдарда нақты залал мөлшерін айқындайтын құжаттар – тексеру актілері, ревизия және аудит қорытындылары болмаған. Бұған қоса, істі тоқтату туралы тергеушінің қаулысы жоғары тұрған прокурорлар тарапынан заңсыз күшін жойған.
Сот сондай-ақ айыпталушының мойындау түріндегі сөздері оның кінәсін дәлелдейтін жеткілікті айғақ бола алмайтынын атап өтті.
Қорғаушы тарап бухгалтер компанияның бір құрылтайшысының тапсырмасы бойынша әрекет еткенін, ал қаражат қызметкерлердің жалақысын төлеуге жұмсалғанын алға тартты.
Нәтижесінде Ақтау қалалық соты ҚР ҚК-нің 189-бабы («Сеніп тапсырылған бөтен мүлікті иемдену немесе ысырап ету») бойынша айыпты дәлелденбегендіктен, айыпталушыға қатысты ақтау үкімін шығарды.