RUS
SMARTNEWS.KZ басылымының хабарлауынша, Ресей Қазақстанға Ақмола облысындағы жел электр станциясының құрылысына бөлінген қаражатты ұрлады деп айыпталған компания басшысын берді. Бұл туралы Бас прокуратураның баспасөз қызметі жеткізді.
Тергеу дерегінше, 2020–2022 жылдары күдікті бірнеше серіктесімен бірге жалған келісімшарттар жасап, ақшаны аффилиирленген фирмалар арқылы айналдырып, «Самұрық-Энерго» акционерлік қоғамының еншілес кәсіпорнына тиесілі 8,5 млрд теңгеден астам қаржыны (шамамен 15,7 млн доллар) иемденген.
«Самұрық-Энерго» – елдегі ең ірі энергетикалық холдинг. Ол «Самұрық-Қазына» ұлттық әл-ауқат қорының құрамына кіреді.
Қылмыс ашылғаннан кейін күдікті шетелге қашып кеткен. 2025 жылдың ақпанында ол Ресейде ұсталып, Қазақстан Бас прокуратурасының сұрауы бойынша экстрадицияланды.
Қазір айыпталушы уақытша ұстау изоляторында отыр. Қылмысы дәлелденсе, оған мүлкін тәркілей отырып, бес жылдан он жылға дейін бас бостандығынан айыру жазасы кесілуі мүмкін.