RUS
SMARTNEWS.KZ басылымының хабарлауынша, ресейлік мемлекеттік медиахолдинг RT-ның бас редакторы Маргарита Симоньян рак диагнозымен күресіп жатқанын ашық айтты. Бұл туралы ол Telegram-арнасында жеткізді.
Симоньян желіге келген хаттың скринін жариялады. Онда одан «бәрі жақсы екенін жазшы» деп өтінген.
«Қуана-қуана жазар едім, бірақ өтірік айтпауға тырысамын. Тигран әлі комада, ал мен ракпен емделіп жүрмін. Не жақсылық қалды? Жақында мені парикпен көресіздер. Қайсысы жарасатынын бірге таңдармыз», — деп жазды ол.
Айта кетейік, биылғы қаңтарда Симоньян күйеуі, режиссер Тигран Кеосаянның комаға түскенін хабарлаған болатын.
Симоньянның аты Қазақстанда да жиі аталады. Бұған себеп — күйеуі Кеосаянның Қазақстанға қатысты арандатушы мәлімдемелері. Ол 2022 жылы Қазақстанды Украина тағдырын қайталайды деп қорқытып, ел билігі оны «елге келуге тыйым салынғандардың» деп жариялаған. Кейін ол шешімді мазақтап, «Қазақстанға бәрібір кіріп аламын» деген еді.
Сол жылы Симоньян да Қазақстанға бағытталған өткір сөздерді жиі айтқан. Ол қазақ дипломаттарын «рахметі жоқтар» деп атап, Қаңтар оқиғасы кезінде ҰҚШҚҰ әскерін Ресей кіргізгенін еске салған. Сондай-ақ Ресей Қазақстанға да Украинадағыдай әскер жіберсе қуанатынын ашық жазған еді.