RUS
SMARTNEWS.KZ басылымының хабарлауынша, Алматыда 18 жастағы қызды зорлады деген күдікпен такси жүргізушісі ұсталды. Бұл ақпаратты қалалық полиция департаменті растады.
Жәбірленушінің туыстарының айтуынша, ер адам таксист болып істеген және бұған дейін де қызға қырындап жүрген. Кешкісін бойжеткен байланысқа шықпай қалған. Біраз уақыттан соң ол таныс емес такси жүргізушісі тарапынан зорлық көргенін айтқан.
Полиция мәліметінше, жәбірленушінің арызы негізінде Медеу аудандық полиция басқармасы қылмыстық іс қозғаған. Күдікті ұсталып, уақытша ұстау изоляторына қамалды.
«Тергеу амалдары жалғасып жатыр. Алматы полициясы істің объективті әрі жан-жақты қаралуын қамтамасыз етеді», – делінген ведомство хабарламасында.