Қорғаныс министрлігі әскери қызметкерді зорланғаны туралы ақпаратқа түсініктеме берді
Желіде әскери қызметкердің зорланғаны туралы бейнежазба тараған.
SMARTNEWS.KZ басылымының хабарлауынша, әлеуметтік желілерде әскери қызметкерге қатысты зорлық әрекеті көрсетілгендей тараған видеоға Қазақстан Республикасының Қорғаныс министрлігі ресми пікір білдірді.
Ведомство хабарлағандай, видео – “Қырғызфильм” киностудиясы түсірген “Баткен” көркем фильмінің фрагменті және Қазақстан Қарулы Күштерімен ешқандай байланысы жоқ.
“Роликке қазақ тіліндегі аудиожол қосылған, ол дипфейк технологиясын пайдаланып жасалған. БАҚ пен әлеуметтік желі қолданушыларын тексерілмеген ақпаратты таратпауға және тек ресми дереккөздерге сенуге шақырамыз”, – делінген Қорғаныс министрлігінің хабарламасында.
Сондай-ақ, министрлік жалған ақпарат таратқаны үшін қылмыстық жауапкершілік қарастырылғанын еске салды.
Материал авторы
