RUS
SMARTNEWS.KZ басылымының хабарлауынша, Павлодар облысында алтын мен күміс өндірумен айналысқан «IDM Gold» компаниясы заңсыз жұмыс істеген. Бұл кәсіпорынды кезінде Президент істері басқармасына қарасты мемлекеттік резиденциялар дирекциясын басқарған Болат Мынбаев басқарады.
Облыстық прокуратураның мәліметінше, компания Баянауыл ауданында экологиялық рұқсатсыз кен өндірумен айналысқан. Бұл дерек бойынша қадағалау органы процессуалдық шаралар қабылдайтынынмәлімдеді.
Сонымен қатар заңсыз пайдалы қазбалар өндірген тағы 11 кәсіпорын анықталған. Олардың кейбірі лицензияда көрсетілген аумақтан тыс жерлерде карьер ашып, ал басқалары келісімшарт мерзімін өз бетінше ұзартқан. Алайда прокуратура өз хабарламасында дәл «IDM Gold» компаниясын ерекше атап өтті.
Белгілі болғандай, Болат Мынбаев — компанияның он негізін қалаушысының бірі. Серіктестер қатарында SA Minerals компаниясының иесі Серік Абдығалиев және Қырғызстан бизнесмені Тахиржан Баратов бар.
Айта кетейік, 2017 жылы қазақстандық БАҚ «IDM Gold» компаниясының Майқайың байыту фабрикасының қалдықтарына рұқсат алуын «күдікті жағдайлармен» байланыстырған. Себебі келісімшарт компания ресми түрде тіркелмей тұрып жасалған.
Бұған дейін де Қазақстандағы кейбір алтын өндірушілер Ресейге салынған санкциялар салдарынан пайдаларының жартысынан айырылғаны хабарланған болатын.