RUS
SMARTNEWS.KZ басылымының хабарлауынша, Ақтөбе тұрғыны өзге адамдардың атына несие рәсімдеп, небәрі бірнеше жылда жарты миллиард теңгеге жуық қаржы ұрлаған. Сот әйелді кінәлі деп таныды.
Тергеу мәліметінше, «емші» өзін халыққа көмектесетін адам ретінде таныстырып, түрлі ауруларды емдеп жазамын деп сендірген. Сондай-ақ, ол адамдардан мешіт пен медициналық орталық салуға ақша жинап жатырмын деп, банктер арқылы несие рәсімдетіп отырған. Ал алынған қаржыны өз қажетіне жұмсаған.
Сотта айыпталушы кінәсін мойындаған жоқ. Прокурор оған 6 жыл 8 ай бас бостандығынан айыру жазасын сұраған.
Нәтижесінде әйел ірі көлемдегі алаяқтық жасағаны үшін кінәлі деп танылып, прокурор сұраған мерзімге сотталды. Алайда оның кішкентай баласы болғандықтан, жазаны өтеу екі жылға шегерілді.
Потерпевшілердің азаматтық талаптары ішінара қанағаттандырылды.