Оралда полицеймен қарым-қатынас бастаған қыз түрмеден бір-ақ шықты

polisia.kz

Қыз есірткі сатқан деген айыппен сотталды.

SMARTNEWS.KZ басылымының хабарлауынша, Орал қаласында есірткі сату ісі бойынша қаралған атышулы сот процесі аяқталды. Тергеу деректеріне қарағанда, жас қыз полицеймен танысып, екеуінің арасында қарым-қатынас орнаған. Уақыт өте келе олардың арасы романға ұласқан.

Қыз өзін шын сүйеді деп сенген. Алайда көп ұзамай сүйіктісі жедел тапсырмамен жүрген полицей екені белгілі болды. Қорғаушылардың айтуынша, дәл сол полицей қызды есірткі алуға көндірген. Ол қызға «кейде қолданатынын» айтып, аз ғана мефедрон табуға көмектесуін өтінген.

Бастапқыда қыз бас тартқанымен, бірнеше рет айтқан соң танысы арқылы аз мөлшерде есірткі тауып беруге келіседі. Тергеу материалдарына сай, ол танысына хабарласып, «досы үшін» мефедрон сұратқан. Нәтижесінде 5 грамм есірткі беріліп, бұл сәт арнайы операция кезінде жасырын түсірілген.

Көп ұзамай қыз ұсталып, қамауға алынды. Сараптама қорытындысы бойынша, ол есірткі қолданбайтыны және емдеуді қажет етпейтіні анықталды. Соған қарамастан, сот оның әрекетін есірткі айналымына көмектесу деп танып, кінәлі деп тапты.

Үкім шыққаннан кейін «сүйіктісі» — полицей кенеттен жоғалып кеткен.
Қорғаушылар сот шешімімен келіспей, апелляция беретіндерін мәлімдеді.

Үкім әлі заңды күшіне енген жоқ.