RUS
SMARTNEWS.KZ басылымының хабарлауынша, Қарағанды қаласында №54 мектептің жанынан әйелдің мәйіті табылды.
Полицияның мәліметінше, оқиға 28 қыркүйек күні болған, алайда ресми ақпарат 8 қазанда ғана жарияланды.
Қарағанды облыстық полиция департаменті бұл деректі растады. 28 қыркүйекте қаладағы тұрғын үйлердің бірінің маңынан 46 жастағы әйелдің мәйіті табылған.
Аталған факті бойынша қылмыстық іс қозғалды.
«Қылмыс жасады деген күдікпен 36 жастағы ер адам ұсталып, уақытша ұстау изоляторына қамалды. Қазір қажетті тергеу шаралары жүргізіліп жатыр», — деп хабарлады ведомствоның баспасөз қызметі.
Қылмыстық іс материалдары бойынша өзге мәліметтер ҚР Қылмыстық-процестік кодексінің 201-бабына сәйкес жария етілмейді.