Бейбітшілік Нобелі Трампқа емес, венесуэлдік саясаткерге бұйырды
Венесуэла халқының еркіндігі үшін күрескен саясаткер әйел Нобель иегері атанды.
SMARTNEWS.KZ басылымының хабарлауынша, Венесуэлдік оппозициялық саясаткер Мария Корина Мачадо 2025 жылғы Нобель сыйлығының бейбітшілік аталымында жеңімпаз атанды.
Мачадо демократиялық қозғалыстың жетекшісі ретінде соңғы жылдары Латын Америкасындағы азаматтық батылдықтың ең жарқын үлгісін көрсетті деп бағаланды.
«Мария Корина Мачадо Венесуэла халқының демократиялық құқықтарын қорғау жолында табандылық танытып, елде бейбіт әрі әділ саяси өзгерістер орнауы үшін күресті», — делінген комитет мәлімдемесінде.
57 жастағы саясаткер қазіргі президент Николас Мадуро режимінің басты қарсыласы саналады. Ол 2011–2014 жылдары Венесуэла ұлттық ассамблеясының депутаты болған және 2012 жылғы президент сайлауына қатысқан.
Сыйлықты табыстау рәсімі дәстүр бойынша 10 желтоқсанда өтеді — Нобель премиясының негізін қалаушы Альфред Нобельдің қайтыс болған күніне орай.
Материал авторы
