RUS
SMARTNEWS.KZ басылымының хабарлауынша, АҚШ президенті Дональд Трамп Израиль мен «ХАМАС» арасындағы соғыстың аяқталғанын мәлімдеді. Бұл туралы ол журналистерге ұшағында берген сұхбатында айтты.
Журналистердің бірі Израиль премьері Биньямин Нетаньяху ресми түрде соғыстың аяқталғанын жарияламағанын еске салғанда, Трамп қысқа ғана:
«Соғыс аяқталды. Түсіндіңіздер ме?» — деп жауап берді.
Сондай-ақ ол бұл өз тоқтатқалы отырған сегізінші соғыс екенін атап өтті.
«Қазір Пәкістан мен Ауғанстан арасында қақтығыс жүріп жатқанын естідім. Ойлап қоямын, мені қайта шақыратын шығар деп. Себебі мен соғыстарды тоқтатудан шебермін. Мен бейбітшілікті орнатуда жақсы жұмыс істеймін. Миллиондаған адамның өмірін сақтап қалдым... Мен мұны Нобель сыйлығы үшін емес, адам өмірін қорғау үшін жасадым», — деді АҚШ президенті.
Айта кетсек, Газа секторында бітім 10 қазан күні күшіне енді. Бұл АҚШ президенті Дональд Трамптың бастамасымен жасалған бейбіт жоспардың алғашқы кезеңі. Ал 13 қазанда Египетте соғысты тоқтату жөніндегі келісімге қол қою рәсімі өтпек. Сол күні таңертең «ХАМАС» Қызыл Крест өкілдеріне алғашқы жеті израильдік тұтқынды тапсырды.