RUS
SMARTNEWS.KZ басылымының хабарлауынша, әлеуметтік желілерде Ақмола облысының тасжолында үш дөңгелекпен жүйткіген КамАЗ-дың видеосы тарады.
Кадрларда жүк көлігінің бір дөңгелегі түсіп қалғанына қарамастан, қозғалысын жалғастырып келе жатқаны анық көрінеді. Бұл жағдай қоғамда қызу талқы тудырды — себебі көлік апатты жағдайда қозғалып, өзге жүргізушілерге қауіп төндірген.
Облыстық полиция департаменті жүргізушінің жеке басы анықталғанын хабарлады.
«КамАЗ жүргізушісі Әкімшілік құқықбұзушылық туралы кодекстің 590-бабының 5-бөлігі бойынша (“Көлік құралдарын пайдалану ережелерін бұзу”) жауапкершілікке тартылды», — делінген полиция хабарламасында.
Тәртіп сақшылары көлік иелеріне сапар алдында техникалық жағдайды мұқият тексеріп, жол қауіпсіздігін сақтауды еске салды.