RUS
SMARTNEWS.KZ басылымының хабарлауынша, Шымкент қаласының тұрғыны досымен бәстесіп, бір емес, 26 қаламды жұтып қойған. Ер адамға ота жасауға тура келгенін Otyrar арнасы хабарлады.
38 жастағы тұрғын бір сәттік әзілі ауыр жағдайға айналған соң дәрігер шақырған. Қалалық клиникалық аурухананың мамандары науқастың асқазанынан ондаған бөтен зат тапқан.
Дәрігерлер эндоскопиялық әдіспен (құрсақ қуысына тілік жасамай) барлығын сәтті алып шыққан. Қазір ер адамның жағдайы тұрақты, ол үйіне шығарылған.
Медициналық қызмет өкілдері мұндай қауіпті әрекеттерден аулақ болуға шақырды.
Айта кетейік, биыл Ақмола облысында дәрігерлер 39 магниттік шарды жұтып қойған баланы бес сағат бойы құтқарған еді — бала ауыр жарақатпен ауруханаға түскен.