RUS
Алғашқы пойызда елу 40 футтық контейнер бар. Тағы да 150 контейнер жөнелтіледі деп жоспарлануда. Шаттл-пойыздар операторы «KTZ Express» АҚ болып табылады.
Қазақстан аумағы арқылы жүк Каспий теңізіне (Ақтау порты), одан әрі Әзірбайжанға, Грузиядан Мерсин қаласына (Түркия) дейін жеткізіледі. Қазақстан аумағы бойынша пойыз рекордтық қысқа мерзімде – 90 сағатта жүріп өтеді. Жер сілкінісінен зардап шеккен адамдарды уақытша орналастыруға арналған шатырларда тұратын гуманитарлық көмекті жеткізудің жеделдетілген мерзімдері шаттл қызметі арқылы мүмкін болды.
Осы сервистің пайда болуымен ҚХР-дан Грузия порттарына дейін жүктерді жеткізу мерзімі үш есеге - 15 тәулікке дейін, Түркия порттарына - 25 тәулікке дейін қысқарды. Сервисті ұйымдастыру үшін бірқатар шара қабылданып, Алтынкөл станциясынан аптасына 3 рет (дүй, сәр, жұм) жөнелтілетін нақты уақыты бар кесте белгіленді.
Қызметтің негізгі артықшылықтары – жоғары жылдамдық, тиімді жоспарлау, белгіленген тарифтік шарттар. Барлық шаттл пойыздары жол бойында кідіріссіз кестеге сәйкес жүреді.