Блогер Жанабыловтарға қатысты қылмыстық іс қозғалды

Азиз Қалижан Редактор

16.10.2025, 09:45

384

Блогер Жанабыловтарға қатысты қылмыстық іс қозғалды

instagram.com/zhanabylov_e

11 көлікті ұтысқа шығарған блогердің басы бәлеге қалды.

SMARTNEWS.KZ басылымының хабарлауынша, 11 автокөлікті ұтысқа қойып, онлайн-курс сатқан Ерболат Жанабылов пен Эльмира Төлегеноваға қатысты қылмыстық іс қозғалды. Бұл туралы Қаржылық мониторинг агенттігі төрағасының орынбасары Жеңіс Елемесов мәлімдеді.

«Материалдар бізге түсті. Қазір қылмыстық істі тіркедік. Тергеу ҚР Қылмыстық кодексінің 214-бабының 1-бөлігі – заңсыз кәсіпкерлік фактісі бойынша жүргізілуде. Нәтижесін қосымша хабарлаймыз», – деді ол Сенат кулуарында.

Агенттік өкілінің сөзінше, блогерлерге қатысты пәлендей бұлтартпау шарасы қолданылған жоқ, әрі олар ел аумағында жүр.

Еске салайық, бұған дейін желіде бірнеше автокөлік ұтысын ұйымдастырған Ерболат Жанабылов пен Эльмира Төлегенованың әрекеті Туризм және спорт министрлігінің назарына іліккен еді. Кейін іс сотқа жеткен.