RUS
SMARTNEWS.KZ басылымының хабарлауынша, Қазақстанда жолаушылар пойызының жылдамдығын арттыруға кедергі келтіріп отырған басты себеп — теміржол желісінің тозуы мен жүк тасымалының шамадан тыс көптігі. Бұл туралы көлік вице-министрі Жәнібек Тайжанов мәлімдеді.
Оның айтуынша, еліміздің теміржол желісінің ұзындығы 16 мың шақырым, соның небәрі 30 пайызы ғана қос бағытты. Қалған бөлігі — бір жолақты.
«Жүк айналымы өте үлкен. Жыл сайын шамамен 303 миллион тонна жүк тасымалданады, оның 197 миллионы ел ішінде. Ал инфрақұрылымның тозуы 57 пайыз шамасында. Сол себепті жолаушылар пойыздарының жылдамдығын көрші елдер деңгейіне көтеру әзірге мүмкін болмай тұр», — деді Тайжанов.
Вице-министрдің айтуынша, қазір теміржол желісін жаңарту, тозуды азайту және жолаушылар вагондарының санын көбейту бағытында жүйелі жұмыс жүргізіліп жатыр.