Екібастұздық түрмеге палаудың ішінде смартфон жасырып әкелген
Палаудың ішіндегі телефон әшкере болды.
SMARTNEWS.KZ басылымының хабарлауынша, Павлодар облысындағы 63/1 түзету мекемесіне тыйым салынған заттарды жеткізу әрекетінің жолы кесілді. Бұл туралы облыстық қылмыстық атқару жүйесі департаменті хабарлады.
Ведомствоның мәліметінше, Екібастұз тұрғыны сотталған танысына тамақ алып келген. Алайда тексеріс кезінде күзетшілер плов салынған контейнердің қос түбі бар екенін анықтаған. Ішінен смартфон, сымды құлаққап және қуаттау құрылғысы табылды.
Аталған факті бойынша тексеріс жүргізіліп, ұсталған азаматқа қатысты әкімшілік іс қозғалды. Іс материалдары сотқа жолданды.
Материал авторы
Дана Асылбекқызы
Тілші