RUS
SMARTNEWS.KZ басылымының хабарлауынша, бүгіннен бастап жеке тұлғалар Қазақстанға кез келген арнайы техника мен автобустарды әкеле алмайды.
Бұл өзгеріс Еуразиялық экономикалық комиссия (ЕЭК) әзірлеген Кеден одағының «Дөңгелекті көлік құралдарының қауіпсіздігі туралы» техникалық регламентіне енгізілген түзетулермен байланысты.
Айта кетейік, шектеу тек жеке тұлғаларға қатысты. Ал кәсіпкерлерге мұндай көліктерді әкелуге рұқсат сақталады.
Физикалық тұлғаларға елге әкелуге рұқсат етілген көлік түрлері төмендегідей:
жеңіл автокөліктер (медициналық мақсатқа арналған арнайы көліктерден басқа);
квадроциклдер, қарда және батпақта жүруге арналған техника, мотоблоктар және басқа моторлы көліктер;
мотоциклдер, мопедтер, мотороллерлер;
жүргізушіні қосқанда 12 адамға дейін тасымалдайтын көлік;
толық салмағы 5 тоннаға дейінгі жүк көліктері.
Өзгерістер жайлы Мәжілісте өткен брифингте Индустрия комитеті төрағасының орынбасары Мұхамед Андаков хабарлады.