RUS
SMARTNEWS.KZ басылымының хабарлауынша, қазақстандық блогер Лия Жангаскина Алматыдағы Ritz-Carlton қонақүйінің лоббиінен декоративті гүл композициясын алып кетпек болғаннан кейін желі қолданушыларының назарын өзіне аударды.
Желіде тараған видеода блогердің қонақүйдің кіреберісіндегі гүл инсталляциясына барып, композицияны қолына алып, шығаберіс жаққа бет алған сәті көрінеді. Алайда оны күзетшілер тоқтатып, бұл гүлдердің интерьердің бөлігі екенін түсіндірген.
Кадрда Лия Жангаскина күзетшілерге күліп:
«Мына гүлдер мен үшін қойылған жоқ па?» — деп сұрайды.
Қонақүй қызметкерлері сабырмен жауап беріп, композицияны орнына қоюды өтінген.
Оқиға желіде қызу талқы тудырды. Кейбір қолданушылар блогердің әрекетін әзіл ретінде қабылдаса, басқалары мұны «лайк пен қаралым үшін жасалған арзан хайп» деп сынады:
«Мұндайлар халат пен сүлгіні де "естелікке" алып кетеді», «Қаралым үшін күзетшілерді ыңғайсыз жағдайға қалдырғаны ұят», «Бірі қоғамдық көлікте ер адамдарға тиіседі, енді бірі отельден гүл ұрламақ болады — бәрі соқыр хайптың құрбаны».
Бір желі қолданушысы өз басынан өткен оқиғаны да жазған:
«Қызымның тойын өткіздік, әр үстелде тірі гүл мен сәндік әшекей тұрды. Қонақтар бәрін көтеріп кетіпті, тек ыдыс пен дастарқан қалған».