RUS
«Бас прокуратураның Құқықтық статистика және арнайы есепке алу жөніндегі комитеті бизнеске қатысты 92 тексеруді заңсыздеп танып, 100-ге жуық кәсіпкердің құқығын қорғады.
Тексеру нәтижелері бойынша кәсіпкерлік субъектілерге қатысты тексерулерді ұйымдастыру кезінде санитарлық-эпидемиологиялық бақылау органдары тарапынан Кәсіпкерлік кодекстің 13-тарауының талаптары өрескел бұзылғаны анықталды.
Кәсіпкерлерді тексеру тексеруді тағайындау актісі шығарылмастан және тиісті түрде тіркелместен жүргізілген. Сондай-ақ тексеру мәселелері асырылған, тексеру жүргізу мерзімі сақталмаған, сондай-ақ тексеруді актіде көрсетілмеген лауазымды тұлғалар жүргізген», - делінген Бас прокуратураның Құқықтық статистика және арнайы есепке алу жөніндегі комитетінің хабарламасында.
Мәлім етілгендей, осы жағдайларға негізделе тексеру нәтижелері заңсыз деп танылды.
«Анықталған бұзушылықтар бақылаушы мемлекеттік орган тарапынан негізсіз қысым жасалғанын білдіреді, бұл жағдай елдегі бизнестің дамуына кедергі келтіреді.
Қабылданған прокурорлық қадағалау шараларының нәтижелері бойынша санитарлық-эпидемиологиялық бақылау органдарының 60-қа жуық лауазымды тұлғасы тиісті жауапкершілікке тартылды.
Қазіргі таңда осындай фактілерге жол бермеу мақсатында Денсаулық сақтау министрлігіне заңдылықтың бұзылуын жою туралы ұсыныс енгізілді», - делінген комитет ақпаратында.