Алматыда ұйымдастырылған теракт тоқтатылды
Ұлттық қауіпсіздік комитеті теракт жасауды ұйымдастырған 5 шетелдікті ұстады.
SMARTNEWS.KZ басылымының хабарлауынша, Ұлттық қауіпсіздік комитеті 2025 жылғы қыркүйек айында Алматыда жоспарланған терактінің жолын кескенін хабарлады. Арнайы қызмет өкілдерінің мәліметінше, қастандық әрекеті дайындық сатысында әшкереленіп, дер кезінде тоқтатылған.
ҰҚК таратқан ақпаратқа сәйкес, шабуылды ұйымдастыруға бес шетел азаматының қатысы бар. Олардың барлығы қамауға алынып, тергеу амалдары жүргізілуде.
Сонымен қатар, қыркүйек пен қазан айларында терроризмді насихаттады деген күдікпен сегіз қазақстандық азамат ұсталған.
Сол кезеңде ҰҚК материалдары негізінде террористік және экстремистік қылмыстар жасаған алты адам түрлі мерзімге бас бостандығынан айырылған.
Жалпы 2025 жылдың басынан бері терроризм мен экстремизмге қатысты істер бойынша 89 адам қылмыстық жауапкершілікке тартылған, оның ішінде алтауы – шетел азаматтары.
Материал авторы
