Жастар қайда жұмыс істеп жүр? 3 сала көш бастап тұр
Елімізде 3,6 млн жастар еңбек ететіні белгілі болды.
SMARTNEWS.KZ басылымының хабарлауынша, Қазақстанда бүгінде 3,6 миллион жас еңбек етіп жүр. Ұлттық статистика бюросының дерегінше, 2023 жылдан бастап жастар жасы 35-ке дейін ұзартылғаннан кейін, бұл топ елдің еңбек нарығындағы ең белсенді күшке айналған.
Жұмыспен қамтылған жастардың басым бөлігі үш негізгі салада шоғырланған:
Сауда — 18,3% немесе 665 мың адам;
Білім беру — 12,6% немесе 458 мың адам;
Өнеркәсіп — 10,8% немесе 392 мың адам, оның ішінде 218 мыңы — өңдеу саласында.
Сауда саласы жастар арасында әлі де ең танымал бағыт саналады — соңғы екі жылда бұл секторда еңбек ететіндердің саны 44 мың адамға артқан.
Керісінше, ауыл шаруашылығында кері үрдіс байқалып отыр: бір жыл ішінде 12,7 мың жұмыс орны қысқарған.
Соңғы 13 жылда аталған салалардағы орташа жалақы 4–5 есе өскен:
саудада — 385 мың теңге,
білім беру саласында — 303 мың теңге,
өнеркәсіпте — 570 мың теңге.
Мамандардың айтуынша, жастар жоғары табысты емес, жұмысқа орналасу жеңілдігі мен жылдам табыс табу мүмкіндігін көбірек ескереді.
Материал авторы
