RUS
SMARTNEWS.KZ басылымының хабарлауынша, Лувр мұражайындағы атышулы ұрлықтан екі апта өткен соң полиция тағы бес күдіктіні ұстады. Бұл туралы Париж прокуроры Лора Бекко мәлімдеді.
«Ұсталушылардың бірі — тергеу үшін негізгі күдіктілердің қатарында болған», — деді прокурор RTL арнасына берген сұхбатында.
Бұған дейін өткен демалыста ұсталған екі адам өздерінің қылмысқа ішінара қатысы барын мойындаған. Тергеу изоляторында төрт тәулік болғаннан кейін оларға ұйымдасқан топ құрамында тонау және қылмыстық сөз байласу баптары бойынша айып тағылған. Бұл қылмыстар үшін 15 жылға дейін бас бостандығынан айыру жазасы қарастырылған.
Прокуратураның мәліметінше, ұрланған заттардың жалпы құны 88 миллион еуроға бағаланады. Олардың қатарында Империя дәуіріне тиесілі, сапфир мен зүбаржатпен көмкерілген зергерлік бұйымдар бар.
«Қазіргі таңда ұрланған жәдігерлер табылған жоқ. Дегенмен біз оларды тауып, Лувр мен тұтас ұлтқа қайтарылады деген үміттеміз», — деді Лора Бекко.