Сарапшылар 2026 жылы доллар 551 теңгеден асатынын жеткізді
Алдағы жылы теңге тағы әлсірейді.
SMARTNEWS.KZ басылымының хабарлауынша, Қазақстандық AERC сарапшылары келесі жылы ұлттық валюта біршама әлсірейді деп болжайды. Сараптамаға сәйкес, 2026 жылы доллардың орташа бағамы 551,36 теңге деңгейінде болады.
Мұндай динамикаға мұнай бағасының төмендеуі, сондай-ақ шикізат экспорттайтын елдердің валюталарына сыртқы қолдаудың азаюы әсер етеді.
2025 жылға арналған болжам да түзетілді: теңгенің орташа жылдық бағамы 522,75 теңге деңгейінде болады (бұрынғы есеп — 517,44 теңге).
Қыркүйек айының қорытындысында 1 доллар 549,07 теңге болған, ал қазан айында Ұлттық банк базалық мөлшерлемені 18%-ға дейін көтергеннен кейін теңге 536–538 теңге аралығында нығайды.
Экономистердің пікірінше, алдағы жылы валюта нарығындағы тұрақсыздық сақталуы мүмкін, ал теңгенің нақты бағыты мұнай бағасына және сыртқы сауда балансына тәуелді болмақ.
Материал авторы
